Ո՞վ էր Վարդան Ջինիշյանը և որտեղի՞ց էր նա։
Հիմնադիր Վարդան Ջինիշյանը ծնվել է 1870 թվականին Թուրքիայում՝ Մարաշում։ Նա հոգևորական Հարություն Ջինիշյանի և Քեթրին Ջինիշյանի ավագ որդին էր։ 20-րդ դարի սկզբին նա տեղափոխվում է Ֆրանսիա, և վերջապես՝ ԱՄՆ։ Նյու Յորք տեղափոխվելուց հետո նրա առաջին աշխատանքն անգլերենի ուսուցչությունն էր։ Հետագայում նա միացավ մի ընկերության, որի ղեկավարը մեկ այլ հայ էր՝ Միհրան Կարագյոզյան անունով։ Վարդան Ջինիշյանը դառնում է այդ ընկերության գործընկերներից մեկը և այն դարձավ արևելյան գորգերի և կարպետների արտադրության առաջամարտիկ։ Վարդան Ջինիշյանը նաև կերպարվեստի նմուշների և ներմուծված արևելյան կարպետների կոլեկցիոներ էր։ Նա ներդրումներ է կատարել Նյու Յորքի, մասնավորապես, Մանհեթենի անշարժ գույքի հարստացման ոլորտում։ Նա անդամակցում էր և՛ Հայկական ավետարանական, և՛ երիցական եկեղեցիներին (ԱՄՆ)։
1966 թվականի դրությամբ, երբ Վարդան Ջինիշյանը 95 տարեկան էր, նա և Երիցական եկեղեցին (ԱՄՆ) համաձայնության եկան եկեղեցու հովանու ներքո բարեգործական հիմնադրամ ստեղծելու շուրջ։ Չնայած որ եկեղեցին էր կառավարում այն, պայմանագիրը նախատեսում էր, որ այն պետք է հետևի միացյալ խորհրդատվական կոմիտեի խորհրդին և առաջարկներին, որը բաղկացած էր հինգ հոգուց, ինչպես էթնիկ հայեր, այնպես էլ երիցական եկեղեցու ներկայացուցիչներ։ Վարդան Ջինիշյանի մահվանից հետո (1966 թվականի հուլիս) ֆոնդը համալրվեց ավելի քան 9 մլն ԱՄՆ դոլլարով, որը կազմում էր կտակի գումարը։ Միայն վերոնշյալ կապիտալի տոկոսներն ու դիվիդենդներն էին նախատեսված ԱՄՆ-ից դուրս ապրող աղքատ և կարիքավոր հայերին օգնելու համար։ «Ջինիշյան» հիշատակի ծրագրի (ՋՀԾ) առաջին քայլերն արվել են Հալեպում (Սիրիա) և Բեյրութում (Լիբանան):
Ինչու՞ է կազմակերպության անվան մեջ հանդիպում «հիշատակի» բառը։
«Ջինիշյան» հիշատակի ծրագիրը (ՋՀԾ) հիմնադրվել է Վարդան Ջինիշյանի կողմից՝ ի հիշատակ իր ծնողներ Հարություն և Քեթրին Ջինիշյանների։
Ի՞նչ կապ ունի ՋՀՀ-ն հայկական եկեղեցիների հետ։
Հայաստանի Հանրապետության խորհրդատվական կոմիտեն (ՀՀԽԿ) տեղական խորհրդատվական մարմին է հանդիսանում «Ջինիշյան» հիշատակի հիմնադրամի համար և բաղկացած է հայ առաքելական, հայ կաթոլիկ և հայ ավետարանական եկեղեցիների ներկայացուցիչներից։
ՀՀԽԿ-ի ներկայիս անդամներն են՝
Հայր Պարույր Ավետիսյան
Կարինե Ղուկասյան
Քույր Արուսյակ Սաջոնյան
Ալբերտ Փայտյան
Ի՞նչ միջոցներից է օգտվում «Ջինիշյան» հիշատակի հիմնադրամը (ՋՀՀ)։
ՋՀՀ-ն հիմնական ֆինանսավորումը ստանում է ՋՀԾ-ից։ Միայն ՋՀԾ-ի բարեգործական հիմնադրամի տոկոսներն ու դիվիդենդները կարող են օգտագործվել Ջինիշյան ծրագրերին աջակցելու համար։ ՋՀԾ-ի առանձին մասնաճյուղերին թույլատրվում և խրախուսվում է փնտրել և ստանալ ֆինանսավորում արտաքին աղբյուրներից։
Բանկային քարտով առցանց նվիրատվություն անելու համար անցեք հղումով՝ https://pma.pcusa.org/donate/make-a-gift/gift-info/E051792/ կամ զանգահարեք (800) 872-3283 հեռախասահամարին բանկային քարտից հեռախոսով նվիրատվություն կատարելու համար կամ եթե ունեք հարցեր։
Այս կայքում հղում է արվում ՋՀՀ-ին և ՋՀԾ-ին։ Ո՞րն է տարբերությունը։
2000 թվականին «Ջինիշյան» հիշատակի ծրագիրը (ՋՀԾ) կարողացավ Հայաստանի Հանրապետությունում գրանցվել որպես տեղական հիմնադրամ։ Հետևաբար, տվյալ հայկական մարմինը կրում է «Ջինիշյան» հիշատակի հիմնադրամ (ՋՀՀ) անվանումը և հետևում է Հայաստանի օրենքներին և տեղական ոչ պետական կազմակերպությունների գործունեությունը կարգավորող ուղեցույցներին։
Որտեղի՞ց ես կարող եմ ավելին իմանալ Ջինիշյան ծրագրի պատմության մասին։
«Ջինիշյան» հիշատակի ծրագիրը Վարդան Ջինիշյանի ու ԱՄՆ Երիցական եկեղեցու կողմից հիմնադրվելուց 35 տարի անց համառոտ պատմական ակնարկ է հրատարակել իր ծագման, ինչպես նաև հայերի շրջանում որպես հումանիտար և հոգևոր աջակցության աշխատանքներ կատարող օգնության և զարգացման էկումենիկ գործակալության մասին։ Սիլվիա Քասբերգ Գուինն-Ամմոնսի 2001 թվականին հրատարակված Serving the Least of These գիրքը հասանելի է ներբեռնելու համար հետևյալ հղումով՝ https://www.jinishian.org/sites/default/files/jinishianmemorial_book.pdf
«Ջինիշյան» հիշատակի ծրագրի և ԱՄՆ Երիցական եկեղեցու մասին ավելին իմանալու համար այցելեք մեր կայք՝ https://www.presbyterianmission.org/ministries/world-mission/jinishian/
Ի՞նչ է ԱՄՆ-ի երիցական եկեղեցին և որտե՞ղ է այն գտնվում։
ԱՄՆ-ի երիցական եկեղեցին խրախուսում է ինքնազարգացումը, արձագանքում է աղետներին, ձգտում է նվազեցնել սովը, աջակցում է միսիոներական աշխատանքներին, քարոզում է ավետարան, բուժում հիվանդներին և ապագայի համար նոր սերունդներ կրթում։
Համաշխարհային մինիստրությունների բաժանմունքը, որին հաշվետու է ՋՀԾ-ն, եկեղեցուն լիազորում է, որպեսզի այն ամենուրեք մարդկանց շրջանում տարածի Հիսուս Քրիստոսի ավետարանի վերափոխիչ ուժը։ 100 անդամից բաղկացած աշխատակազմը գործունեություն է ծավալում երեք հիմնական աշխատանքային ոլորտներում. մեկը զբաղվում է մարդկանց ուղարկելով, մյուսը՝ ռեսուրսների բաշխմամբ, իսկ վերջինը հարաբերություններ է կառուցում գործընկեր եկեղեցիների հետ։
ԱՄՆ երիցական եկեղեցին գտնվում է ԱՄՆ-ի Կենտուկի նահանգի Լուիվիլ քաղաքում։
