2020թ․ սեպտեմբերի 27-ի վաղ առավոտյան Ադրբեջանը հրթիռային հարձակում սկսեց Արցախի Հանրապետության շփման գծի ողջ երկայնքով՝ թիրախավորելով ինչպես ռազմական օբյեկտները, այնպես էլ անմեղ քաղաքացիական անձանց։ Հետևաբար, Արցախի Հանրապետության Պաշտպանության բանակը պարտադրված այս պատերազմում ստիպված էր պաշտպանել իր ժովովրդին և հայրենիքը։ Պատերազմի 45 օրերի ընթացքում Ադրբեջանը՝ Թուրքիայի աջակցությամբ, իրականացրել է սարսափելի պատերազմական հանցագործություններ՝ օգտագործելով վարձկան ահաբեկիչներ, ծանր հրետանի, արգելված կլաստերային զինատեսակներ և քիմիական զենքեր։ Սա հանգեցրեց մի քանի տասնյակ քաղաքացիական անձանց՝ ներառյալ ծերերի և երեխաների սպանության և ծանր վիրավորման։ 
 
Նոյեմբերի 10-ին Հայաստանը Ադրբեջանի և Ռուսաստանի հետ ստիպված եղավ ստորագրել զինադադարի ցավոտ համաձայնագիրը՝ զիջելով Արցախի տարածքների մեծ մասը իր ժողովրդին կոտորածից փրկելու նպատակով։ Հայաստանը մտնում է բանակցությունների նոր փուլ՝ հուսալով, որ ԵԱՀԿ Մինսկի խումբը և համաշխարհային տերությունները կօգնեն Հայաստանին պաշտպանել իր իրավունքները՝ կանգնելով ճշմարտության և արդարության կողքին։ 
 

«Ջինիշյան» հիշատակի հիմնադրամը  HSBC խմբի ֆինանսավորմամբ իրականացնում է «Կորոնավիրուսից տուժած մարդկանց թվային գրագիտության բարելավում» ծրագիրը: Հաշվի առնելով նոր կորոնավիրուսային համաճարակի հետևանքով ստեղծված իրավիճակը՝ անցում կատարումն առցանց հարթակներին ու դրանց կառավարումը դարձել են անհրաժեշտություն ինչպես սկսնակ, այնպես էլ գործող ձեռնարկատերերի համար։ Հաշվի առնելով այն հանգամանքը, որ տվյալ անցումային փուլը առաջ է բերում  որոշակի մարտահրավերներ բիզնեսի և իր մարդկային ռեսուրսների համար, այս ծրագիրը շեշտը կդնի Հայաստանում թվային գրագիտության բարելավման վրա՝ ստեղծելով հնարավորություններ եկամուտների գեներացման համար` ամուր հիմք ստեղծելով բիզնեսի թվայնացման գործընթացի համար (Digital Trasnformation)` թիրախավորելով այն հիմնական հմտությունները, գիտելիքները և ունակությունները, որոնք թվայնացման գործընթացում կարող են անհրաժեշտ լինել կորոնավիրուսից տուժածների համար: 
 

Ծրագրի շահառուները կարող են լինել`

  • գործող ձեռներեցները,

  • ապագա անհատ ձեռներեցները,

  • այլ միկրո, փոքր և միջին ձեռնարկությունները, որոնք տուժել են կորոնավիրուս համաճարակից։
     

Ծրագիրը մշակված է առավելագույն արդյունավետություն և երկարաժամկետ աջակցություն ապահովելու մոդելով և կընդգրկի հետևյալ փուլերը՝

Subscribe to Jinishian Memorial Foundation RSS