Արդեն երեք տարի անընդմեջ Շուշանը հանդիսանում է Գեղարքունիքի մարզի Կարմիրգյուղի № 1 միջնակարգ դպրոցի «Պատանի հետազոտողների ակումբ»-ի անդամ, որտեղ ակտիվորեն մասնակցել է ծրագրի շրջանակում կազմակերպվող մրցույթներին և գիտական պիկնիկներին։
«Այս երեք տարիների ընթացքում ծրագիրը ինձ օգնեց հասկանալ, որ մեր առօրյա կյանքում կատարած բազմաթիվ գործողություններ ունեն հստակ և տրամաբանական գիտական բացատրություններ», — նշում է նա։
Նա ընդգծում է, որ «Պատանի հետազոտողների ակումբ» ծրագիրը իրեն տվել է շատ ավելի մեծ հնարավորություններ, քան երբևէ կարող էր պատկերացնել։ Իր ակտիվ ներգրավվածության և նվիրվածության շնորհիվ Շուշանը ընտրվել է որպես չորս մասնակիցներից մեկը, ովքեր 2025 թվականին մեկնել են Լեհաստան՝ մասնակցելու Կոպեռնիկուսի գիտական կենտրոնի 13-րդ գիտական պիկնիկին։
«Վարշավայում ես ընկերներ ձեռք բերեցի աշխարհի տարբեր երկրներից, ստացա արժեքավոր փորձ և գիտելիքներ, ինչպես նաև ծանոթացա եվրոպական մշակույթին և խոհանոցին», — պատմում է նա։
«Պատանի հետազոտողների ակումբ» ծրագիրը վճռորոշ դեր է ունեցել Շուշանի մասնագիտական ընտրության հարցում։ Այժմ նա սովորում է Հայաստանի ազգային պոլիտեխնիկական համալսարանում և իր ընտրած մասնագիտությունն ուղղակիորեն կապում է այն գիտելիքների, փորձի և ոգեշնչման հետ, որոնք ստացել է ակումբի շնորհիվ։
«Պատանի հետազոտողների ակումբ» նախաձեռնությունը ինձ համար պարզապես հերթական ծրագիր չէր․ այն դարձավ ավելի մեծ նպատակների հասնելու ճանապարհի սկիզբ», — ավելացնում է Շուշանը։
Շուշան Ջրաղացպանյան
