Նորություններ

Ջինիշյան հիշատակի հիմնադրամի (ՋՀՀ), Բաց Հասարակության Հիմնադրամներ - Հայաստանի (ԲՀՀ) և «Երիտասարդական նվաճումներ» կրթական հասարակական կազմակերպության (ԵՆ) համատեղ ուժերով իրականացվող և համաֆինանսավորվող «Երիտասարդությունը ներգրավված հասարակության մեջ» (ԵՆՀ) բանավեճի ակումբների ստեղծման ծրագրի շրջանակներում սույն թ-ի մայիսի 18-ին, 19-ին և 20-ին Երևան քաղաքում տեղի ունեցավ Բանավեճի Հանրապետական Մրցաշարը (ԲՀՄ):   

2011 թ-ին Ջինիշյան հիշատակի հիմնադրամը նախաձեռնեց բարեգործական  մի նախաձեռնություն, որի նպատակն էր աջակցել ՀՀ հեռավոր գյուղերի խոցելի ընտանիքների դպրոցահասակ երեխաներին սառնաշունչ ձմեռային ամիսներին ունենալու տաք ձմեռային կոշիկներ: Սրանք այն երեխաներին են, որոնք ձմռան ամիսներին դպրոց չեն հաճախում կամ դպրոց են գնում մաշված կոշիկներով կամ հնամաշ հողաթափիկներով, որը չափազանց վատ է անդրադառնում նրանց առողջության վրա և հետագայում խրոնիկ հիվանդությունների պատճառ դառնում: ՋՀՀ-ն որպես թիրախ ընտրեց Շիրակի մարզի Աշոցք, Ամասիա տարածաշրջանները և Գեղարքունիքի մարզի Ճամբարակ, Վարդենիս տարածաշրջանները, որոնք հայտնի են ցուրտ և ձնառատ ձմեռային ամիսներով, որտեղ երկարատև ձմռան ընթացքում մարդիկ ապրում են մեկուսացված` անանցանելի ճանապարհների պատճառով և որտեղ բնակիչները մեծամասամբ անապահով են:

Հայաստանում շատ ընտանիքներ ձմռան ամիսներին իրենց երեխաներին դպրոց չեն ուղարկում, քանի որ նրանց համար նույնիսկ մեկ զույգ կոշիկ գնելու հնարավորություն չունեն: Եթե երեխաները դպրոց չհաճախեն, ապա մեծ է հավանականությունը, որ նրանք չեն կարողանա հաղթահարել աղքատությունը: Այս նախաձեռնությամբ Ջինիշյան հիշատակի հիմնադրամն անվճար տաք ձմեռային կոշիկներ կբաշխի Հայաստանի հեռավոր հյուսիսային շրջանների շուրջ 1000 անապահով ընտանիքների երեխաների: Հիմնադրամը կոշիկները կպատվիրի տեղական կոշիկ սրտադրողներից` ըստ Հիմնադրամի կողմից մշակված որակական չափանիշների /պատրաստված բնական կաշվից, ջրակայուն, ներսից մորթեպատ և չսահող ներբաններ/: Կոշիկները երեխաներին կբաշխվեն 2011 թվականի հոկտեմբեր-նոյեմբեր ամիսներին: Ըստ նախնական հաշվարկների մեկ զույգ կոշիկի արժեքը կլինի միջինը 13,000 ՀՀ դրամ (մոտ 35 ԱՄՆ դոլար): Նվիրատվության ամբողջ  գումարը կծախսվի ձմեռային կոշիկների ձեռքբերման նպատակով: Կոշիկների տեղափոխման և բաշխման հետ կապված ծախսերը կհոգա Ջինիշյան հիշատակի հիմնադրամը:

Այս նախաձեռնությամբ կոչ ենք անում կատարել նվիրատվություն և գոնե մեկ երեխայի պարգևել դպրոց հաճախելու հնարավորություն:

Հոկտեմբերի 8-ին «Արամ Խաչատրյան» մեծ համերգասրահում տեղի ունեցավ Ջինիշյան հիշատակի հիմնադրամի 15-ամյա հոբելյանի գլխավոր միջոցառումը: Համերգ-հանդիսությանը ներկա էին կառավարության ներկայացուցիչները, Ամերիկայի միացյալ նահանգների Ջինիշյան հիշատակի ծրագրի ղեկավար անձիք, հիմնադրամի խորհրդատվական մարմնի անդամները, Լիբանանում և Սիրիայում գործող Ջինիշյան հիշատակի ծրագրի տնօրենները և անձնակազմի անդամները, Հայաստանի Ջինիշյան հիշատակի հիմնադրամի գործընկերներն ու շահառուները, հիմնադրամի անձնակազմը, նրանց ընտանիքների անդամներն ու ընկերները:

Փետրվարի 26-ին Ջինիշյան հիշատակի հիմնադրամը պատիվ ունեցավ ընդունելու ՀՀ-ում ԱՄՆ արտակարգ և լիազոր դեսպան Մարի Յովանովիչին: Ողջունելով հյուրերին` Ջինիշյան հիշատակի հիմնադրամի/ ՋՀՀ/ գործադիր տնօրեն Էլիզա Մինասյանը ՋՀՀ պատմական ակնարկ կատարեց և ներկայացրեց կազմակերպության գործունեությունների շրջանակը: Հանդիպման ջերմ մթնոլորտը ՋՀՀ թիմին թույլ տվեց անկաշկանդ կերպով քննարկել ՋՀՀ ընթացիկ ծրագրերը տնտեսական զարգացման, առողջապահության, քաղաքացիական հասարակության, համայնքահեն զարգացման, կրթության և հոգևոր վերելքի ոլորտներում:

Շեշտադրելով Հայաստանում քաղաքացիական հասարակության զարգացման կարևորությունը` դեսպանը հավանության արժանացրեց ՋՀՀ կրթական և քաղաքացիական հասարակության ծրագրերում երիտասարդությանը, որպես հասարակության ամենաարագ արձագանքող, ճկուն և կարևոր հատված, թիրախ դիտարկելու գաղափարը:   

Սինթիա Ուայթ, ՋՀԾ հանձնաժողովի անդամ
Երիցական եկեղեցու մարդկանց ինքնազարգացման կոմիտեի համակարգող

Հայաստանն ամենահին քաղաքակրթություն ունեցող երկրներից մեկն է, որն առաջինն է ընդունել քրիստոնեությունը` որպես պետական կրոն: Հայաստանի ժողովուրդն պայքարով գոյատևում է և փորձում  հաղթահարել իր ողբերգական անցյալի հիշողությունները: Հայ ազգը միշտ պայքարել է անկախության, ժողովրդավարության և պայծառ ապագայի համար:  Ազգի ոգին և պատրաստակամությունը ներուժ են ստեղծում` երկիրը դուրս բերելու միջակության անվերջ շրջանից և նպաստելու տնտեսական և քաղաքական կյանքի բարգավաճմանը:

Ազգին հատուկ վճռականությամբ է աշխատում նաև Ջինիշյան հիշատակի հիմնադրամի հայաստանյան գրասենյակը (ՋՀՀ)` աջակցելով մարդկանց անկախության և ինքնահաստատման գործընթացում: 2009 թվականի հոկտեմբեր ամսին Ջինիշյան հիշատակի ծրագրի (ՋՀԾ)  հանձնաժողովը, ՋՀԾ ղեկավար մարմինները 10 անմոռանալի օր անցկացրեցին ՋՀՀ անձնակազմի, Հայաստանի հանրապետության խորհրդատվական կոմիտեի անդամների և ՋՀՀ գործընկերների հետ: 

Ջինիշյան հիշատակի հիմնադրամի (ՋՀՀ), Բաց Հասարակության Հիմնադրամներ - Հայաստանի (ԲՀՀ) և “Վորլդ Վիժն Հայաստան” կազմակերպության (ՎՎ) հետ համատեղ ուժերով իրականացվող և համաֆինանսավորվող “Երիտասարդությունը ներգրավված հասարակության մեջ 2013-2014” (ԵՆՀ) բանավեճի ակումբների ստեղծման ծրագրի շրջանակներում սույն թ-ի մայիսի 1-ին, 2-ին և 3-ին Երևան քաղաքում տեղի ունեցավ Բանավեճի հանրապետական մրցաշարը (ԲՀՄ):