Նորություններ

Սույն թվականի նոյեմբերի 14-ին և 15-ին  տեղի ունեցավ «Ջինիշյան» հիշատակի հիմնադրամի (ՋՀՀ) կողմից իրականացվող ուսանողական բանավեճի հանրապետական մրցաշարը, որն անց էր կացվում Եվրոպայում անվտանգության և համագործակցության կազմակերպության Երևանյան գրասենյակի (ԵԱՀԿ-ի) և ԱՄՆ դեսպանատան հովանավորությամբ: Երևանից և ՀՀ մարզերից (Գյումրիից, Կապանից, Վանաձորից, Իջևանից, Գորիսից, Գավառից) ուսանողական թիմերը հավաքվեցին Երևան քաղաքում` եզրափակիչ բանավեճերի համար: Ուսանողները բանավիճեցին և պաշտպանեցին իրենց տեսակետներն այնպիսի կարևոր հասարակական խնդիրների վերաբերյալ, ինչպիսիք են`«ՀՀ պետական բուհերում կրթությունը պետք է լինի անվճար», «Պետությունը պետք է ֆինանսավորի երիտասարդական քաղաքական կուսակցություններին»: 

Սույն թվականի հոկտեմբերի 23-ին և 24-ին «Երիտասարդությունը ներգրավված հասարակության մեջ 2013-2014» ծրագրի մասնակից հանդիսացող Ապարանի, Շենավանի, Թալինի, Մաստարայի, Ներքին Բազմաբերդի, Գյուլագարակի, Ուռուտի, Սվերդլովի և Երևանի դպրոցների 52 աշակերտ և 11 ուսուցիչ մասնակցեցին ԵԱՀԿ երևանյան գրասենյակում կազմակերպված քաղաքացիական սեմինարի: Նրանց հյուրընկալեց ԵԱՀԿ երևանյան գրասենյակի ժողովրդավարացման ծրագրի ղեկավար Օլիվեր Մակքոյը: Մեկուկես ժամ տևած հանդիպման ընթացքում պարոն Մակքոյը խոսեց ԵԱՀԿ և ԵԱՀԿ երևանյան գրասենյակի պատմության, կառուցվածքի, նպատակների և առաքելությունների մասին:

Սույն թվականի նոյեմբերի 11-ին և 12-ին «Ջինիշյան» հիշատակի հիմնադրամը կազմակերպեց երկու այց Ազգային Ժողով “Երիտասարդությունը ներգրավված հասարակության մեջ” ծրագրի Գյումրիի և Վանաձորի շահառուների համար: Երկու օրվա ընթացքում մոտ 60 աշակերտ Գյումրիի և Վանաձորի ավագ դպրոցներից հնարավորություն ստացան մասնակցելու այս այցերին: Երկու այցի շրջանակում աշակերտները ներկա գտնվեցին Ազգային Ժողովի նիստերին, իսկ ԱԺ նախագահ Հովիկ Աբրահամյանն իր խոսքում ողջույնի խոսք հղեց աշակերտներին:

Տեղեկատվության բաժնի ղեկավար տիկին Մարո Ասատրյանը պատմեց երեխաներին շենքի մասին և ցույց տվեց շենքի որոշ հատվածներ: Աշակերտները հնարավորություն ունեցան նաև մտնել բուն նիստերի դահլիճ:

Սույն թվականի սեպտեմբերի 29-ին «Ջինիշյան» հիշատակի հիմնադրամը (ՋՀՀ) նշեց Հայաստանում իր գործունեության 20-ամյա հոբելյանը: Միջոցառումը տեղի ունեցավ «Հայ Միասնության Խաչ» հասարակական կազմակերպության բացօթյա տարածքում:   

Միջոցառմանը ներկա էին ԱՄՆ «Ջինիշյան» հիշատակի ծրագրի (ՋՀԾ) տնօրենը, ԱՄՆ-ի և Հայաստանի խորհրդատվական կոմիտեների անդամները, հիմնադրամի անձնակազմը և ՋՀՀ գործընկերներն ու շահառուները:

Ողջույնի խոսքով հանդես եկան «Հայ Միասնության Խաչ» ՀԿ-ի տնօրեն Գրիգոր Բաբախանյանը, «Ջինիշյան» հիշատակի ծրագրի Ամերիկայի խորհրդատվական կոմիտեի անդամ Վիկտորիա Գեհրթը, ԱՄՆ-ում «Ջինիշյան» հիշատակի ծրագրի տնօրեն Էլիզա Մինասյանը, «Ջինիշյան» հիշատակի հիմնադրամի գործադիր տնօրեն Արմեն Հակոբյանը և ՋՀՀ Հայաստանի խորհրդատվական կոմիտեի անդամ Քույր Արուսյակ Սաջոնյանը:

Սույն թվականի սեպտեմբեր ամսից մեկնարկել է «Երիտասարդությունը ներգրավված հասարակության մեջ 2013-2014» ծրագիրը: Ծրագրի նպատակն է ստեղծել նոր բանավեճի ակումբներ և ընդլայնել գոյություն ունեցող ակումբների գործունեությունը ՀՀ տարբեր մարզերում: Ծրագիրն իրականացվում և ֆինանսավորվում  է Բաց Հասարակություն Հիմնադրամներ-Հայաստան, Վորլդ Վիժն Հայաստան և «Ջինիշյան» հիշատակի հիմնադրամ կազմակերպությունների կողմից: Ներկայումս ծրագրում ընդգրկված են 130 դպրոց  ՀՀ 8 մարզում` Շիրակ, Լոռի, Արագածոտն, Կոտայք, Գեղարքունիք, Արմավիր, Արարատ, Սյունիք; 15 քաղաքում` Աշտարակ, Ապարան, Թալին, Արտաշատ, Մասիս, Արմավիր, Էջմիածին, Մեծամոր, Գավառ, Վարդենիս, Սևան, Վանաձոր, Աբովյան, Հրազդան, Գյումրի և 14  գյուղական համայնքում`Քարակերտ, Լեռնագոգ, Դալարիկ, Արտենի, Գյուլագարակ, Ուռուտ, Սվերդլով, Մեծ Մասրիք, Շենավան, Ներքին Բազմաբերդ, Մաստարա, Սառնակունք, Բռնակոթ և Շինուհայր:

Ծրագիրը հնարավորություն է ընձեռում դպրոցականներին սովորել քաղաքակիրթ բանավիճել և ձևավորել սեփական կարծիքը տարբեր հիմնախնդիրների շուրջ:

«Ջինիշյան» հիշատակի հիմնադրամը, (այսուհետ` ՋՀՀ) իր` համայնքային զարգացման ծրագրի շրջանակներում համագործակցելով Վորլդ Վիժն-Հայաստան կազմակերպության հետ (այսուհետ` ՎՎ-Հայաստան), իրականացնում է «Վարդենիսի զարգացման նախաձեռնություն» ծրագիրը (ՎԶՆ-ծրագիր):

Ելնելով Վարդենիսի տարածաշրջանի համայնքների զարգացմանն ուղղված իրենց ռազմավարական նպատակներից` «Ջինիշյան» հիշատակի հիմնադրամը և ՎՎ-Հայաստան կազմակերպությունը ՎԶՆ ծրագրի  շրջանակներում` ներհամայնքային քաղաքացիական նախաձեռնությունները խթանելու նպատակով հայտարարում են Դրամաշնորհային ծրագրերի մրցույթ Վարդենիսի տարածաշրջանի հետևյալ գյուղական համայնքների միջև:

Սույն թվականի նոյեմբերի 20-21-ին «Քաղաքացիական ներգրավվածություն - ուսանողական բանավեճեր» ծրագրի շրջանակներում տեղի ունեցավ ուսանողական բանավեճերի հանրապետական մրցաշարը: Երևանից և ՀՀ մարզերից (Գյումրիից, Կապանից, Վանաձորից, Իջևանից, Գորիսից, Գավառից) ուսանողական թիմերը հավաքվեցին Երևան քաղաքում` եզրափակիչ բանավեճերի համար: Ուսանողները բանավիճեցին և պաշտպանեցին իրենց տեսակետներն այնպիսի կարևոր հասարակական խնդիրների վերաբերյալ, ինչպիսիք են` կոռուպցիայի դեմ պայքարն, ընտանեկան բռնությունը և Հայաստանի ինտեգրումն Եվրամիությանը:

Ջինիշյան հիշատակի հիմնադրամը  «ՔԱՐԴ ԱգրոԿրեդիտ» ՈՒՎԿ ՓԲԸ-ի և Բաց Հասարակության Ինստիտուտ Օժանդակության հիմնադրամի հետ համագործակցաբար իրականացնում է «Համագործակցություն ֆերմերներին ֆինանսական ծառայություններ տրամադրելու նպատակով» փոխառությունների  ծրագիրը: 

Ելնելով կազմակերպությունների ռազմավարական նպատակներից և վերը հիշատակված ծրագրի պահանջներից՝ Ջինիշյան հիշատակի հիմնադրամը հայտարարում է Սոցիալական Պատասխանատվության Դրամաշնորհային ծրագրի մրցույթ: 

Ջինիշյան հիշատակի հիմնադրամի (ՋՀՀ), Բաց Հասարակության Հիմնադրամներ - Հայաստանի (ԲՀՀ) և «Երիտասարդական նվաճումներ» կրթական հասարակական կազմակերպության (ԵՆ) համատեղ ուժերով իրականացվող և համաֆինանսավորվող «Երիտասարդությունը ներգրավված հասարակության մեջ» (ԵՆՀ) բանավեճի ակումբների ստեղծման ծրագրի շրջանակներում սույն թ-ի մայիսի 18-ին, 19-ին և 20-ին Երևան քաղաքում տեղի ունեցավ Բանավեճի Հանրապետական Մրցաշարը (ԲՀՄ):   

2011 թ-ին Ջինիշյան հիշատակի հիմնադրամը նախաձեռնեց բարեգործական  մի նախաձեռնություն, որի նպատակն էր աջակցել ՀՀ հեռավոր գյուղերի խոցելի ընտանիքների դպրոցահասակ երեխաներին սառնաշունչ ձմեռային ամիսներին ունենալու տաք ձմեռային կոշիկներ: Սրանք այն երեխաներին են, որոնք ձմռան ամիսներին դպրոց չեն հաճախում կամ դպրոց են գնում մաշված կոշիկներով կամ հնամաշ հողաթափիկներով, որը չափազանց վատ է անդրադառնում նրանց առողջության վրա և հետագայում խրոնիկ հիվանդությունների պատճառ դառնում: ՋՀՀ-ն որպես թիրախ ընտրեց Շիրակի մարզի Աշոցք, Ամասիա տարածաշրջանները և Գեղարքունիքի մարզի Ճամբարակ, Վարդենիս տարածաշրջանները, որոնք հայտնի են ցուրտ և ձնառատ ձմեռային ամիսներով, որտեղ երկարատև ձմռան ընթացքում մարդիկ ապրում են մեկուսացված` անանցանելի ճանապարհների պատճառով և որտեղ բնակիչները մեծամասամբ անապահով են: