Էրգոթերապիստ՝ նուրբ շարժողական ոլորտի մասնագետ
«Ջինիշյան» հիշատակի հիմնադրամը փնտրում է մոտիվացված և բծախնդիր թեկնածու, ով կբավարարի սահմանված պահանջները զբաղեցնելու Էրգոթերապիստ՝ նուրբ շարժողական ոլորտի մասնագետի պաշտոնը:
Announcements
ՍՅՈՒՆԻՔԻ ԿԱՅՈՒՆ ՏՆՏԵՍԱԿԱՆ ԶԱՐԳԱՑՄԱՆ ՆԱԽԱՁԵՌՆՈՒԹՅՈՒՆ
ՀԱՅՏԵՐԻ ԸՆԴՈՒՆՈՒՄ
«Ջինիշյան» հիշատակի հիմնադրամը (Jinishian Memorial Foundation) մեկնարկում է «Սյունիքի կայուն տնտեսական զարգացման նախաձեռնություն» ծրագրի հայտերի ընդունման 2-րդ փուլը։
«Սյունիքի կայուն տնտեսական զարգացման նախաձեռնություն» ծրագիրն իրականացվում է R2D Սյունիք ծրագրի շրջանակում: R2D Սյունիք ծրագիրը համաֆինանսավորվում է Եվրոպական միության և Ավստրիական զարգացման համագործակցության կողմից, և իրականացվում է Ավստրիական զարգացման գործակալության կողմից «Դիմակայուն Սյունիք թիմ Եվրոպա նախաձեռնության» շրջանակում։
«Դիմակայուն Սյունիք թիմ Եվրոպա նախաձեռնությունը» Եվրոպական միության, Եվրոպական ներդրումային բանկի, Վերակառուցման և զարգացման եվրոպական բանկի, ԵՄ անդամ երկրների՝ Ավստրիայի, Բելգիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդերլանդների, Լեհաստանի, Շվեդիայի, ինչպես նաև գործընկեր հանդիսացող Շվեյցարիայի համատեղ նախաձեռնությունն է` ուղղված Սյունիքի մարզի կայուն սոցիալ-տնտեսական զարգացմանը:
Այս նախաձեռնությունը միտված է ընդլայնելու տնտեսական հնարավորությունները Սյունիքի մարզում ՝ տրամադրելով կարողությունների զարգացման համապարփակ ծրագիր և նյութական աջակցություն՝ մարզում նախագծային փուլում գտնվող, նորաստեղծ և արդեն իսկ գործող բիզնեսներին:
Ծրագիրը նախատեսված է աջակցելու հետևյալ ոլորտներում գործող բիզնեսներին՝
զբոսաշրջություն և հյուրընկալություն,
գյուղմթերքի մշակում,
արտադրություն։
Ծրագրի մասնակից կարող են դառնալ այն անհատներն ու ձեռնարկությունները, որոնք բնակվում են բացառապես Սյունիքի մարզում և
18 տարին լրացած նպատակասլաց անհատ ձեռներեցներ են, որոնք ունեն իրատեսական բիզնես գաղափար և մտադրված են այն կյանքի կոչել,
փնտրում են աջակցություն իրենց ստարտափի կամ սկսնակ բիզնեսի ընդլայնման համար,
ունեն գործող ՓՄՁ-ներ, որոնք ցանկանում են ընդլայնել կամ ինտեգրել կայունության բաղադրիչներ,
չեն մասնակցել սույն ծրագրի 2025թ․-ի շրջափուլին
չեն հանդիսանում ՋՀՀ գործըներներ հանդիսացող «ՎԻՆՆԵԹ Գորիս» զարգացման հիմնադրամի կողմից իրականացվող «Կանայք բիզնեսում․ տնտեսական աճի խթանում Սյունիքում» կամ «Քարդ» հիմնադրամի կողմից իրականացվող «Սյունիքի կայուն և արդյունավետ տնտեսական զարգացում. գյուղմթերքի վերամշակում» ծրագրերի գրանտակիր։
Ծրագիրը մեծապես խրախուսում է կանանց, երիտասարդների և խոցելի խմբերի՝ ներառյալ բռնի տեղահանված և հաշմանդամություն ունեցող անձանց մասնակցությունը՝ ապահովելով ներառական և կայուն բիզնես միջավայր:
Ծրագիրը բաղկացած է հետևյալ փուլերից.
Փուլ 1. Կարողությունների զարգացում հիբրիդային ձևաչափով.
բիզնես գաղափարների հղկման և ձեռնարկատիրական նորարարության թեմայով աշխատանքային դասընթացներ, որոնք կօգնեն գնահատել, ձևավորել և կատարելագործել բիզնես գաղափարները:
բիզնես մոդելի մշակման դասընթաց՝ ճիշտ կառուցվածքով և ընդլայման հնարավորությամբ բիզնես պլանների մշակման նպատակով։
անհատական խորհրդատվության սեսիաներ փորձագետների հետ՝ անհատապես յուրաքանչյուր բիզնեսին վերաբերող խորհուրդներ ստանալու նպատակով:
ֆինանսական գրագիտության դասընթաց՝ ֆինանսական պլանավորման, հմտությունների բարելավման նպատակով:
թվային հմտությունների բարելավման դասընթաց՝ բիզնեսի առցանց ներկայության և առաջխաղացման գործիքներին ծանոթանալու նպատակով:
աճի և կատարողական փափուկ հմտությունների դասընթաց՝ առաջնորդության, հաղորդակցման և բանակցային հմտությունների զարգացման նպատակով:
բիզնես գաղափարների ներկայացման սեսիաներ՝ ֆինանսավորման հնարավորությունների և ներդրողների ներգրավման նպատակով:
բիզնեսի կայունության գործիքակազմին ծանոթացման դասընթաց և խմբային քոուչինգի սեսիաներ՝ էկոլոգիապես մաքուր բիզնեսի ստեղծման ու ռեսուրսների արդյունավետ օգտագործման պրակտիկաների ինտեգրմանն աջակցելու նպատակով:
Փուլ 2. Ֆինանսական աջակցություն.
նյութական աջակցությանը հասանելիություն կունենան կենսունակ բիզնես գաղափարներ ունեցող մասնակիցները՝ իրենց բիզնեսը սկսելու կամ ընդլայնելու նպատակով:
Նյութական աջակցությունը ներառում է մասնագիտական գույքի / տեխնիկայի տրամադրում՝ բացառապես բիզնեսում օգտագործելու, բիզնեսը սկսելու կամ ընդլայնելու նպատակով (բացառություն են կազմում շարժական գույքը, մասնավորապես՝ ավտոմեքենա, շինարարական նյութերը, վերակառուցման, կառուցապատման աշխատանքները, կենցաղային տեխնիկան/կահույքը և այլն)
հնարավորություն կընձեռնվի նաև հասանելիություն ստանալ լրացուցիչ ֆինանսական ռեսուրսներին՝ ՋՀՀ-ի աջակցության և տեղական ֆինանսական հաստատությունների հետ համագործակցության միջոցով:
Փուլ 3. Շարունակական աջակցություն.
յուրաքանչյուր մասնակից ՋՀՀ-ի շարունակական ծրագրերի շրջանակներում հնարավորություն կունենա ստանալ իր բիզնեսի հատուկ կարիքներին ուղղված տեխնիկական աջակցություն։
Հետաքրքրված դիմորդներին խնդրում ենք ներկայացնել իրենց հայտերը առցանց՝ ստորև տեղադրված հղումով։ Խնդրում ենք պատճենել և տեղադրել հղումը որոնման դաշտում, եթե այն չի բացվում:
https://forms.gle/QVxqYx15eACFsNGG7
Դիմումների ընդունման վերջնաժամկետն է 2025թ.-ի դեկտեմբերի 21-ը:
Հարցերի դեպքում կարող եք զանգահարել հետևյալ հեռախոսահամարով՝ +374 94 260460 կամ ուղարկել էլ․ նամակ ծրագրի պատասխանատուներին հետևյալ էլ. հասցեներով՝ [email protected], [email protected]։
Դասընթացավար/խորհրդատուներ
«Ջինիշյան» հիշատակի հիմնադրամը Միջազգային մասնավոր ձեռնարկությունների կենտրոնի (CIPE) աջակցությամբ իրականացվող «Կին ձեռներեցների թվային հմտությունների զարգացում» ծրագրի շրջանակներում փնտրում է ստորև նշված ուղղություններով մասնագիտացած փորձառու դասընթացավար/խորհրդատուների՝ առցանց դասընթացներ վարելու և անհատական խորհրդատվություն տրամադրելու նպատակով՝
«Կին ձեռներեցների թվային հմտությունների զարգացում» ծրագրի հայտերի ընդունման հայտարարություն
«Ջինիշյան» հիշատակի հիմնադրամը` Միջազգային մասնավոր ձեռնարկատիրության կենտրոնի (CIPE) Կանանց տնտեսական հզորացում կառույցի (CWEE) աջակցությամբ, իրականացնում է «Կին ձեռներեցների թվային հմտությունների զարգացում» ծրագիրը` «Կին առաջնորդների առաջխաղացումն ամբողջ աշխարհում՝ տնտեսության վերականգնման գործընթացում» ծրագրի (Center for Women's Economic Empowerment: Promoting Women Leaders Globally in Economic Recovery) շրջանակներում:
Այժմյան իրականության մեջ անցում կատարելն առցանց հարթակներին ու դրանց կառավարումը դարձել են անհրաժեշտություն ձեռներեցների համար։ Բիզնեսների թվայնացումն առաջ է բերում որոշակի մարտահրավերներ, որոնց հաղթահարման համար այս ծրագիրը շեշտը կդնի Հայաստանի մարզերում կին ձեռներեցների թվային հմտությունների զարգացման վրա՝ ստեղծելով հնարավորություններ եկամուտների գեներացման համար, ամուր հիմք ստեղծելով բիզնեսի թվային փոխակերպման գործընթացների համար՝ թիրախավորելով այն հիմնական հմտությունները, գիտելիքները և ունակությունները, որոնք թվայնացման գործընթացում կարող են անհրաժեշտ լինել մարզերում բիզնես գործունեություն ծավալող կին ձեռներեցներին։
Ծրագրի շահառուները կարող են լինել`
- գործող կին ձեռներեցները,
- ապագա անհատ կին ձեռներեցները
Հայաստանի երիտասարդ ձեռներեցներ 2022 ծրագրի հայտերի ընդունման հայտարարություն
«Ջինիշյան» հիշատակի հիմնադրամը ՀՀ Գեղարքունիքի, Լոռու, Շիրակի, Տավուշի, Սյունիքի, Վայոց Ձորի, Կոտայքի և Արագածոտնի մարզերում բնակվող 18-35 տարեկան պոտենցիալ, սկսնակ և գործող ձեռներեցներին ընձեռում է բիզնես սկսելու կամ զարգացնելու բացառիկ հնարավորություն: Հիմնադրամը նպատակ ունի նպաստելու ձեռնարկատիրական գործունեության զարգացմանը երիտասարդների շրջանում և նոր աշխատատեղերի ստեղծմանը վերոհիշյալ մարզերում:
Ծրագիրն ուղղված է բոլոր այն երիտասարդներին, որոնք ունեն.
- ցանկություն սկսելու իրենց սեփական բիզնեսը,
- նոր սկսած բիզնես (մինչև 1 տարի գործունեությամբ) և պայքարում են այն կայացնելու համար,
- գործող բիզնես (մինչև 4 տարի գործունեությամբ) և ցանկանում են այն առավել ընդլայնել և զարգացնել:
GPS (Growth and Performance Training for Entrepreneurs) | Աճի և կատարողական հմտությունների զարգացման դասընթաց ձեռներեցների համար 2022
24.01.2022 – 17.02.2022
Այսօրվա իրականության մեջ թվային տեխնոլոգիաների օգտագործումը, շուկաների գլոբալիզացիան ու դեմոգրաֆիկ փոփոխությունները ձեռներեցների համար ստեղծում են նոր հնարավորություններ և մարտահրավերներ: Վերջիններիս բիզնեսների վրա ներազդող որոշումները պետք է կատարվեն ամեն օր, և այդ իսկ պատճառով նրանք պետք է տիրապետեն տեխնիկական գիտելիքների, ինչպես նաև տարբեր իրավիճակներում սթրեսը, հույզերն ու այլ մարդկանց արձագանքները կառավարելու ճիշտ անհատական հմտությունների: Նմանատիպ իրավիճակներում ձեռներեցներին աջակցելու համար` Երիտասարդների միջազգային ցանցը մշակել է GPS դասընթացը ձեռներեցների համար:
Ի՞նչ է իրենից ներկայացնում GPS դասընթացը
Այն անվճար առցանց դասընթաց է, որն ուղղված է ձեռնարկատիրական ճկուն հմտությունների զարգացմանն ու կատարելագործմանը: Մարդիկ ղեկավարում և խթանում են իրենց բիզնեսի աճը, այդ իսկ պատճառով շատ կարևոր է կատարելագործել Ձեր ճկուն հմտությունները` բիզնեսի նպատակներին հասնելու համար:
Այս ծրագրի շրջանակներում մենք կկիսվենք գործիքներով, որոնք կարող եք կիրառել փոփոխություններին ավելի լավ հարմարվելու և ճգնաժամային իրավիճակներում դրական մնալու համար (ինչպես օրինակ այժմյան կորոնավիրուսի հետևանքով առաջացած իրավիճակը):
«ՏՏ հմտություննների բարելավում երիտասարդների համար՝ մարզերում աշխատատեղեր ստեղծելու նպատակով» ծրագրի հայտերի ընդունման հայտարարություն
Տնտեսական զարգացման ծրագրերի շրջանակներում «Ջինիշյան» հիշատակի հիմնադրամը Գալուստ Կիւլպէնկեան Հիմնարկութիւնի հետ համատեղ ֆինանսավորմամբ իրականացնում է ՏՏ հմտությունների զարգացման ծրագիր` մարզում բնակվող 18-45 տարեկան բնակչության համար: Ծրագիրն իրականացվելու է Շիրակի, Լոռու և Գեղարքունիքի մարզի բնակիչների համար։ Ծրագրի շրջանակներում մասնակիցներն առիթ կունենան խորությամբ ուսումնասիրել ինժեներական և ծրագրավորման տարբեր ուղղություններ, ինչպես նաև ձեռք բերել այլ տեխնիկական և միջանձնային հարաբերությունների զարգացման համար անհրաժեշտ հմտություններ և գիտելիքներ։ Ծրագիրը տևելու է 6-8 ամիս: Դասընթացներին հաջորդելու է աշխատանքային պրակտիկան ՏՏ ոլորտի առաջատար ընկերություններում (Instigate Group Companies, Digital Pomegranate, Luseen Technologies): Ծրագրի մասնակիցներից ակնկալվում է ապահովվել լիարժեք ներկայություն և ակտիվ մասնակցություն: Այն մասնակիցները, որոնք ծրագրի ընթացքում ձեռք կբերեն բավարար քանակությամբ հմտություններ և գիտելիքներ, աշխատանքի կանցնեն ծրագրի գործընկեր ՏՏ ոլորտի ընկերություններում, որոնց հետ ձեռք է բերվել նախնական պայմանավորվածություն։
Ծրագրի փուլերն առավել մանրամասնությամբ ներկայացված են ստորև՝
Բանավեճի մրցաշարի դատավորների ընտրության հայտ
«Ջինիշյան» հիշատակի հիմնադրամը «ԵՄ-ն հանուն երիտասարդության՝ Բանիմաց և ակտիվ երիտասարդներ հանուն ժողովրդավար Հայաստանի՝ այսօր և վաղը» ծրագրի շրջանակում փնտրում է բանավեճի հմտություններին տիրապետող երիտասարդներ՝ ծրագրում որպես դատավոր հանդես գալու նպատակով։
Ծրագրի շրջանակում բանավեճի մրցույթներն ընթանալու են 2021 թ-ի հոկտեմբեր-դեկտեմբեր ամիսների ընթացքում։
Հայտ ներկայացնելու համար անհրաժեշտ է՝
- Լինել ուսանող կամ ունենալ բարձրագույն կրթություն
- Տիրապետել բանավեճի հմտություններին
- Ունենալ վերլուծական ունակություններ և հաղորդակցման հմտություններ
- Ունենալ թիմում աշխատելու հմտություն
GPS (Growth and Performance Training for Entrepreneurs) | Աճի և կատարողական հմտությունների զարգացման դասընթաց ձեռներեցների համար
15.09.2021 – 11.10.2021
Այսօրվա իրականության մեջ թվային տեխնոլոգիաների օգտագործումը, շուկաների գլոբալիզացիան ու դեմոգրաֆիկ փոփոխությունները ձեռներեցների համար ստեղծում են նոր հնարավորություններ և մարտահրավերներ: Վերջիններիս բիզնեսների վրա ներազդող որոշումները պետք է կատարվեն ամեն օր, և այդ իսկ պատճառով նրանք պետք է տիրապետեն տեխնիկական գիտելիքների, ինչպես նաև տարբեր իրավիճակներում սթրեսը, հույզերն ու այլ մարդկանց արձագանքները կառավարելու ճիշտ անհատական հմտությունների: Նմանատիպ իրավիճակներում ձեռներեցներին աջակցելու համար` Երիտասարդների միջազգային ցանցը մշակել է GPS դասընթացը ձեռներեցների համար:
Ի՞նչ է իրենից ներկայացնում GPS դասընթացը
Այն անվճար առցանց դասընթաց է, որն ուղղված է ձեռնարկատիրական ճկուն հմտությունների զարգացմանն ու կատարելագործմանը: Մարդիկ ղեկավարում և խթանում են իրենց բիզնեսի աճը, այդ իսկ պատճառով շատ կարևոր է կատարելագործել Ձեր ճկուն հմտությունները` բիզնեսի նպատակներին հասնելու համար:
Այս ծրագրի շրջանակններում մենք կկիսվենք գործիքներով, որոնք կարող եք կիրառել փոփոխություններին ավելի լավ հարմարվելու և ճգնաժամային իրավիճակներում դրական մնալու համար (ինչպես օրինակ այժմյան կորոնավիրուսի հետևանքով առաջացած իրավիճակը):
EU4ENVIRONMENT. «ԿԱՆԱՉ ՀԱՄԱՅՆՔ` ԴԻՄԱԿԱՅՈՒՆ ԱՊԱԳԱ» ծրագրի շրջանակում տնկանյութի գնման մրցույթ-հայտարարություն
«Էյ Թի Փի» բարեգործական հիմնադրամը (ATP Charitable Foundation), համագործակցելով «Ջինիշյան» հիշատակի հիմնադրամի և «Էներգետիկայի հայկական գործակալություն» հիմնադրամի հետ, Եվրամիությանֆինանսավորմամբ 2021թ մարտի 1-ից մեկնարկել է EU4ENVIRONMENT. «ԿԱՆԱՉ ՀԱՄԱՅՆՔ` ԴԻՄԱԿԱՅՈՒՆ ԱՊԱԳԱ» եռամյա ծրագիրը (NEAR-TS/2020/168333-3/2)։
Ծրագրի շրջանակում նախատեսվում է իրականացնել տնկանյութի գնում, որի համար կազմակերպվող մրցույթ-հայտարարության մանրամասները կարող եք տեսնել ստորև:
Հայտերի ընդունման ժամկետը՝ 2021թ. հունիսի 11-ից մինչև 2021թ. հուլիսի 11-ը: Կդիտարկվեն միայն լիարժեք դիմումները, որոնք հայտատուին ներկայացվող պարտադիր պայմաններին (տե'ս ստորև) առնչվող փաստաթղթերի հետ միասին պետք է ներառեն նաեւ գնառաջարկն՝ ըստ հաջորդիվ ներկայացված տեխնիկական բնութագրի և գնման ժամանակացույցի, որոնք կարող եք գտնել հետևյալ հղումով՝ https://bit.ly/3zo1WZ0
GPS (Growth & Performance Skills) for Entrepreneurs
In today's world, the use of digital technologies, the globalisation of markets and demographic changes create opportunities and new challenges for entrepreneurs. Decisions that affect their businesses need to be made on a daily basis, and for that they need to have technical knowledge and also the right personal skills to manage stress, emotions and reactions to different situations. To accompany entrepreneurs at that point, Youth Business International created the GPS Training.
What is the GPS Training?
It is a free online training aimed at promoting and improving entrepreneurial soft skills. People are the ones who manage and drive the growth of their businesses, which is why it is so important to improve your soft skills to achieve your business goals.
In this program we will share tools that you can apply to better adapt to changes and stay positive in times of crisis, such as the one we are experiencing due to the COVID-19 pandemic.
What will you gain from the programme?
You will achieve focus to manage your business and work towards your goals.
- You will receive support from entrepreneurs from different countries, with whom you can share your challenges and ambitions.
- You will learn practical tools that will help you negotiate with suppliers and customers, innovate in your business and move with greater agility.
- You will gain confidence and peace of mind by knowing yourself better and enhancing your skills
Pages
